სიტროენის "ძვირფასმა შვილმა", DS 3 Crossback წარმოადგინა. 4,12-მეტრიანმა ქროსოვერმა მაგრად გაგვაოცა

ვინ ამბობს, რომ ქროსოვერი SUV-ისა და არა-SUV-ის ნაზავი უნდა იყოს? სიტროენი ახალი DS 3 Crossback-ის სახით გვიჩვენებს, რა ხდება იმ შემთხვევაში, თუ პატარა მანქანას მდიდრულთან "შეაჯვარებ". 4,12-მეტრიანი ავტომობილი ფურცელზე განსაკუთრებული არაფერია. წინა ამძრავი, ბენზინის ძრავები 100-დან 155 ცხენის ძალამდე სიმძლავრით, დიზელის აგრეგატი 130 ცხენის ძალით - ეს ყველაფერი ჩვეულებრივი ამბებია. სხვა დანარჩენი კი - საკმაოდ არაჩვეულებრივი.

შეხედეთ ამ ფარებს! მათ LED-Matrix-ტექნიკა აქვთ. დააკვირდით კარის სახელურებს! ისინი ისე იმალებიან, როგორც ტესლაში. და მაჩვენებელთა დაფა? სერიულად ის ქსოვილითაა შემოსილი, ტოპ-ვერსიაში კი ტყავით - სადაც არ უნდა შეხედო.

სავარძლები რბილია და ძალიან ღრმად ჩადის. ეს ძალიან მაგარი რამეა, თუმცა უკან ზრდასრული ადამიანებისთვის სივრცე შეზღუდულია. მუხლების წინ სივიწროვის გარდა, ხელს B-საყრდენიც გვიშლის. უკანა ნაწილის კომპაქტური ფორმის ბრალია ისიც, რომ საბარგულის მოცულობა მხოლოდ 350 ლიტრია. იდენტური ზომის ქროსოვერებს, როგორებიცა Audi Q2 ან Volkswagen T-Roc, გაცილებით დიდი საბარგულები აქვთ.

დაკიდების სისტემა კომფორტულია, მაგრამ C4 Cactus-ის სტილს მაინც არ ღალატობს. ვგულისხმობთ იმას, რომ სავალ ნაწილში ქაოსი არც მოსახვევების სწრაფად გავლისას გამოჩნდა. 

სამწუხაროდ, მოხვევა უგრძნობია. ბენზინის ძრავებში 3-ცილინდრიანები ნამდვილად არ არის გრანდიოზული არჩევანი, მაგრამ კარგი მაბრუნი მომენტის გამო ქებას იმსახურებს და ეკონომიურობაც მნიშვნელოვანია. ვინც 130, ან 155-ცხენისძალიან ვერსიას აირჩევს, კარგად მომუშავე 8-საფეხურიან ავტომატურ გადაცემათა კოლოფსაც მიიღებს.

გაყიდვების სტარტიდან რამდენიმე თვის შემდეგ, DS ელექტრო-ვერსია E-Tense-საც გამოუშვებს სრული ამძრავით. ფრანგები პირობას დებენ, რომ მას ერთი დამუხტვით 320 კილომეტრის გავლა შეეძლება და 100-კვ. სიმძლავრე და 260-ნიუტონმეტრიანი მაბრუნი მომენტი ექნება. ეს საკმაოდ ნორმალური მონაცემებია - ფასიც ნორმალური ექნება: დაახლოებით 39 000 ევრო. DS-ის დაპირებით, 80 პროცენტამდე 30 წუთში უნდა დაიმუხტოს.

3-ცილინდრიანი ვერსიის (100 ცხენის ძალა) საწყისი ფასი 22 000 ევრო უნდა იყოს. ამ ფასად აზრიან საბაზო კომპლექტაციას მიიღებთ - მიუხედავად იმისა, რომ 16-დუიმიანი ფოლადის დისკები არცისე ძვირფასი ამბავია.

DS 3 Crossback PureTech 100
ძრავა: 3-ცილინდრიანი, Turbo; ძრავის მოცულობა: 1199 სმ3; სიმძლავრე: 75 კვ (100 ცხ. ძ.) 5500 ბრ/წთ; მაბრ. მომენტი: 205 ნმ/1750; ამძრავი: წინა, 6-საფ. მექანიკა; სიგრძე/სიგანე/სიმაღლე: 4118/1802-1988/1534 მმ; წონა: 1306 კგ; საბარგულის მოცულობა: 350-1050 ლ.; აჩქარება 0-100 კმ/სთ: 10,9 წამში; მაქს. სისწრაფე: 181 კმ/სთ; საწვავის ხარჯი: 4,7 ლ. Super (NEFZ); გამონაბოლქვი: 108 გ/კმ; ფასი: 23 000 ევროდან